Сигеү буйынса оҫталыҡ дәресе

СИГЕҮ – кейемде һәм көнкүреш әйберҙәрен  энә, һирәгерәк ырғаҡ менән төрлө орнаменттар, биҙәктәр м‑н биҙәү. Башҡорттарҙа сигеү төрки‑ислам художество мәҙәниәтенә барып тоташҡан биҙәү- ҡулланма сәнғәтенең традицион төрө.Башҡорт сәнғәтендә тамбурлы сигеү – туҡымаларҙы декоратив эшкәртеү буйынса боронғо алым. Был сигеүҙең иң киң таралған төрө. Башҡорт тамбурына традицион элементтар ҡатыш сәскәле-үҫемлекле орнамент хас, сигеүҙәрҙә сәскә, емеш суҡтары, үҫемлек һабаҡтарының сағылышы күренә. 18 март көнө клубта ауыл ағинәйҙәре тарафынан мәктәп балаларына сигергә өйрәтеү буйынса оҫталыҡ дәресе үткәрелде.